RETO DE SOMOS CAMBADOS AS OUTRAS CATRO FORZAS POLITICAS. PROPÓN A CELEBRACIÓN DUN DEBATE ENTRE OS REPRESENTANTES DAS 5 CANDIDATURAS

PROPÓN A CELEBRACIÓN DUN DEBATE ENTRE OS REPRESENTANTES DAS 5 CANDIDATURAS

SOMOS CAMBADOS propón a celebración dun debate no Salón de Peña ou no Auditorio coa participación dos candidatos das 5
opcións políticas que se presentan ás eleccións municipais do 24 M.

Para SOMOS CAMBADOS os debates públicos son un elemento esencial para promover a participación política e constitúen a maneira máis útil e económica de acercar aos

veciños e veciñas de Cambados o proxecto que cada candidatura ten para a nosa vila.

 O candidato á alcaldía, Tino Cordal, manifestou que “os cambadeses teñen dereito a acceder ás propostas de todas as opcións políticas para poder elixir libremente, e a mellor maneira é confrontar publicamente os nosos proxectos. Polo que respecta a SOMOS CAMBADOS, acudiremos ao debate independentemente do día, hora e lugar de celebración, e propoñeremos un turno de preguntas para que os veciños podan plantexar aos candidatos aquelas cuestións que consideren oportunas”.

Por outra banda, SC quere agradecer ao medio cento de veciños  e veciñas de Castrelo que acudiron na tarde de onte a escoitar as nosas propostas, continuando os nosos actos da campaña electoral cun mitin no Centro de Cultural de Castrelo. Interviñeron o candidato á alcaldía, Tino Cordal, o número dous da candidatura, Xurxo Charlín, e os candidatos de SOMOS CAMBADOS, Teresa Bugallo e Antón Cordal.

No mitin, expuxéronse as principais propostas de SOMOS

CAMBADOS, incluídas no seu ¨Programa de Goberno. 50 medidas para cambiar Cambados¨, cuxas prioridades son Axudar ás persoas que o precisan, Impulsar a creación de emprego e Fomentar a igualdade de oportunidades para todos os cambadeses e cambadesas.

As propostas de SOMOS CAMBADOS para defender os sectores primarios ocuparon boa parte do acto, xa que Castrelo é unha parroquia que conta con moitos traballadores do Mar e da Terra. Tamén se falou da necesidade de melloras concretas en Castrelo, en cuestións como a auga, o saneamento, o pavimento dalgunhas rúas ou a necesidades de habilitar beirarrúas e beiravías, a conservación do litoral, a mellora dos servizos que presta o Concello na parroquia, e na que os veciños demandan que os servizos que presta o concello no casco urbano sexan os mesmos que se prestan nas parroquias. Aproveitando a celebración do Mitin na parroquia de Castrelo, unha vez rematado o mesmo, o candidato á alcaldía, Tino Cordal, reuniuse con varios colectivos representativos da parroquia para trasladar as nosas propostas e poder escoitar de primeira man as demandas destes colectivos afincados na parroquia de Castrelo.

VÁNDALOS ELIMINAN OS CARTEIS DE SOMOS CAMBADOS.