A “FESTA DO BIGOTE” DO RIF ROCK CUMPRE A SÚA 7ª EDICIÓN

Penkito dandolle o premio ao gañador
da edición anteripr Hadrián Fariña.

O próximo 2 de agosto, Domingo do Albariño, o RIF-ROCK e CTK convócanvos a unha nova celebración da solemne FESTA DO BIGOTE na súa 7ª edición!

E este ano cun colaborador de luxo, PC
Barbería!!

A continuación téde-las bases:

Coma tódolos anos, estiveron a piques de facer uns cambios revolucionarios nas bases do concurso para esta ocasión,

pero ao final decidiron facer un copia e pega dos anos anteriores, así que aquí tedes as BASES DO CONCURSO para a 7ª FESTA DO BIGOTE:

- A Festa do Bigote comeza oficialmente no Rif-Rock despois dos fogos do domingo que clausuran as festas do Albariño (domingo 2 de agosto, ou sexa que para os tikismiquis, como é despois da media noite pois na madrugada do dia 3). 

- Prégase a tódolos asistentes que aparezan con bigote, auténtico ou non.

- O que non leve o mostacho posto acudirá unicamente baixo a súa responsabilidade.

- A organización non se fai responsable dos accesorios que outros asistentes lle poñan na cara.

- Este ano terán novamente tres categorías a concurso: 

o Bigote Absoluto, o Bigote Falso e Mellor Disfraz.

Categoría BIGOTE ABSOLUTO (Campión da Festa do Bigote):

• todo pelo natural na cara do suxeito participante.

• valorarase tamaño, lonxitude e orixinalidade.

• lembrade que se trata de bigotes, nin perillas nin barbas,

Bigotes!!

Categoría de BIGOTE FALSO:

• inclúense nesta categoría os mostachos falsos: pintados ou postizos, de calquer tipo.

• coma na categoría anterior, preferiblemente na cara.

Categoría de Mellor DISFRAZ:

• roupa, maquillaxe, interpretación... calqueira cousa pode suxestionar ó xurado.

- A entrega de premios se celebrará aproximadamente entre as 2:30 e a 3:00h. da madrugada, (aínda que a festa durará un par de horas máis) tra-la deliberación do XURADO, que estará formado polos responsables do Rif-Rock e Cambados(TK). 

- Os aspirantes deberán estar no local durante a deliberación (e un pouco antes, para que os poidan ver con tempo e valorar axeitadamente) así como para a recollida do premio, de non ser así, realizaríase unha nova deliberación.

* E por suposto: a organización resérvase o dereito de retirar, suspender ou rectificar o concurso e modificar o contido das

presentes bases en calquera momento no suposto de que aconteza algún tipo de circunstancia imprevista que estea fora do seu control razoable.

** Para reclamacións, denuncias de complot e demais "percances", mellor que o traedes todo de casa por escrito con antelación, que igual o día seguinte xa non se lembrán...

***o xurado non admitirá "sobornos" en sobres pechados, por favor, os cartos á vista!!!

Se hai máis novas seguirán informando no blog dos RifRocKerZ ou na súa páxina de facebook.

http://rifrockerz.blogspot.com.es/

https://www.facebook.com/rifrock.cambados