O noso anterior alcalde, non lle sucedeu o que lle ocorre o resto dos
mortais da vila cambadesa. Unha vez acadou a maior derrota do Partido Popular
en 32 anos, non foi quen de recoller as súas cousas e marchar a refacer a súa
vida fora da política. El non, a vida fora da política non está feita xa para
el.
Así, e debido a gran influencia que hai 4 anos aínda tiña o Partido Popular
Cambadés no PP da provincia, accede a un sillón no pleno da deputación de
Pontevedra. Que consigue con isto Luís? Que a pesar de sufrir en carne propia a
gran derrota do PP na vila do Albariño, logra o ascenso da súa vida con subida
salarial e traballando solo dúas veces ó mes.
E que custe ten para nós esta situación? Luis é, xunto con outro deputado
do PP (Jose Manuel Figueroa, Vigo), o único con dedicación exclusiva na deputación
sen cargo algún dentro do órgano provincial e que non participa de ningunha das
10 comisións que se celebran nel.
Polo tanto, podemos dicir sen medo a equivocarnos que, Luis cobra un salario
anual de 59.818,49 € (o máis alto logo da presidenta), acudindo a dous plenos
por mes, un deles na deputación e o outro no concello de Cambados. A media de
plenos nestes dous organismos é de 10 anuais, polo tanto facendo unha conta
rápida o pleno de Luis sáenos a 2990,92 €. Un salario por sesión a altura dun
artista ou dun deportista do máis alto nivel. Un salario que percibe sen ningún
mérito coñecido, nin ningunha habilidade política exuberante a vista e aínda
lle parecía mal que se convocasen plenos tódolos meses no concello de Cambados,
normal, el ía cobrar o mesmo e traballando a metade.
Pero que fará Luís no caso dunha nova derrota electoral? Que fará coas
vacas sagradas fora do partido e rodeado dunha lista electoral sen ningún poder
a nivel Provincial e con uns Tourís e compañía que terán que levar unha cabeza
a San Caetano no caso dunha nova derrota no feudo cambadés? Terá pensado volver
a Deputación?
Todas estas preguntas serán contestadas a partir do luns. Nos mentres tanto,
imos a recordar no día de mañá os grandes momentos dun mandato no que Luís tivo
tódolos medios a súa disposición para poder facer fronte o goberno municipal de
Cambados, pero deixou que o tempo se lle escapase entre os dedos sen conseguir
facer unha oposición eficaz e incluso con momentos de ridículos escandalosos.
Ningún comentario:
Publicar un comentario