O BNG TAMÉN ESTÁ EN CONTRA DE MANOLO PAZ?

BEA COSTA “PERIODISTA” DA VOZ DE GALICIA POR SALVARLLE O CU A LUÍS ARAGUNDE ACUSABA A OUTRA FORMACIÓN DO MESMO.

O BNG  TAMÉN DENUNCIA A ILEGALIDADE DO CAMIÑO DE QUINTÁNS.

Bea Costa

Os cambadeses xa estamos cansos de que cando as formacións políticas  tanto PSOE, BNG, ou ANOVA denuncian as falcatruadas de Luís Aragunde saia a “periodista” Bea Costa lavándolle a cara e salvándolle o cu o noso Alcalde. Que ocultos intereses ten Bea Costa no Concello de Cambados?, porque está defensa a ultranza do Alcalde Luís Aragunde? Pode ser  que se deba a que ten familiares traballando no concello?. Queremos pensar que non,  que como periodista ten que ser imparcial, pero polo publicado no seu periódico non o  é. Con respecto a obra en cuestión se Luís Aragunde ten os permisos que os ensine xa que a súa palabra carece de valor pois minte mais que fala.

O BNG de Cambados ven de presentar  tamén un escrito no concello de Cambados,  no que di que este está a executar unha obra de acondicionamento dunha pista na zona de As Quintáns, Castrelo;  obra consistente no

ancheamento do camiño que baixa dende Condes de Albarei ata a desembocadura do Rio Umia. Dita obra  realízase dentro dun espazo natural protexido e, segundo queixas dos veciños/as, sen consenso con gran parte dos propietarios/as das parcelas que están obrigados a ceder  parte da súa propiedade  para a ampliación da citada pista, polo que SOLICITA: que se lle respondan as seguintes preguntas:

1.-  Cal é a necesidade de acometer esa obra?

2.- Que orzamento esta asignado para a súa realización? Que parte do orzamento lle corresponde financiar ao Concello de Cambados?

3.- Con qué permisos, e de que organismos, conta o Concello para emprender unha obra tan agresiva co medio ambiente?

4.- Porque non se tratou de chegar a acordos cos veciños/as afectados/as e, pola contra, se lles obrigou a ceder terreos e árbores para beneficio de non se sabe moi ben quen ou qué? 

5.- Como  e en que medida, valora vostede, que  esta actuación beneficia  ao pobo de

Cambados en xeral e á parroquia de Castrelo en particular?

6.- Se como din, esta obra, é para que poidan chegar os buses ao remate da pista, porque non se habilita un aparcamento na pista de entrada á Adega Condes de Albarei e se promociona que os posibles visitantes fagan o percorrido a pé, gozando  así do contorno paisaxístico desta privilexiada zona natural?

7.- Qué necesidade hai de gastar os cartos agredindo á natureza, podendo facer as cousas de maneira que saian gañando tanto os cidadáns como a paisaxe? 

 Quere dicir como titulou o outro día Bea Costa “Anova di que o PP beneficia á Fundación Manolo Paz de Cambados cun camiño «irregular»” (cousa que non dicía ANOVA)  que ANOVA ou o BNG están en contra de Manolo Paz como tendenciosamente quere facer ver os cambadeses Bea Costa. Non, rotundamente Non, ANOVA e o BNG están polo respecto a legalidade vixente e por suposto que non están en contra de Manolo Paz, todo contrario,  como nos quere ver facer a “PPopular” periodista Bea Costa. Polo cada vez que leamos unha nova desta señora hai que poñela,  como mínimo,  en cuarentena.

Suxerímoslle a Bea Costa que vaia o pleno de finais de decembro e lle diga o seu amigo Luís Aragunde que ensine os permisos no pleno, e logo farémoslle caso.

Fotos cedidas por ANOVA CAMBADOS.