UN ALCALDE INCOMPETENTE PERANTE UN PROBLEMA DE TRAFICO EN CAMBADOS

LUÍS ARAGUNDE ENFRONTASE ABERTAMENTE A POLICÍA LOCAL DEMOSTRANDO UNHA VEZ MAIS A SÚA INEPTITUDE POLOS APARCAMENTOS DA PRAZA DE FEFIÑANS.

Xa non eran poucos os problemas que tiña o noso “querido” Alcalde, que estes días véuselle a sumar un novo: o

aparcamento na Praza de Fefiñans.

Fai uns días e tal e como publicamos neste mesmo blog a policía local advertía mediante notas de prensa e da colocación na praza,  de sinales visibles nas que se pode ver que se prohibe

aparcar “EN TODA LA PLAZA” ademais en castelán para que entendas os españois, Luís Aragunde nun acto de incompetencia, ineficacia e ineptitude ven de facer unhas declaracións nas que se enfronta abertamente a Policía Local de Cambados, Luís Aragunde

(a) Sisi ou (a) “Nikito Nipongo”, ven de facer  as seguintes manifestacións:

- “O Concello quere aplicar os criterios de semipeonalización tal como solicitaron os comerciantes alí establecidos e moitos veciños da zona.

Conforme a esta petición, o goberno municipal vai manter os aparcamentos na rúa Rosalía de Castro e na zona autorizada actualmente a carón da arboreda, próxima á igrexa de San Benito” ( pero o concello non atende os miles de Cambadeses que pedimos a peonalización total de

praza de Fefiñans).

- “Quérese manter esta pequena bolsa de aparcamento para darlle servizo -con límite de unha hora- a clientes que se achegan a esa contorna onde se atopan varios bares e

comercios”. (Ou non seria mais correcto dicir Sr. Alcalde que Vde quere favorecer a certo bar da Rúa Real, por ser a sede oficiosa do seu partido)

- “Vaise reforzar a sinalización sen deixar lugar a equívocos sobre as zonas de párking

autorizadas e o estacionamento prohibido”. (A sinalización xa está colocada,  cantas sinais quere colocar o noso Alcalde , as fotos nos remitimos.)

- "Segundo a lei e a ordenanza

 correspóndelle  ao goberno municipal decidir onde se pode e onde non se pode aparcar". (Pois ponte mans a obra,  inepto). 

Tal e como puidemos comprobar hoxe mesmo na praza na zona de árbores xa hai esta sinalización e na zona onde esta o quiosco xa está unha sinal que permite a parcar por unha hora, o  caso é que ninguén controla esa hora.

Con estas declaracións o que fai o alcalde é contradicir  á Policía Local pois aínda hoxe mesmo puidemos comprobar que as sinais de prohibido aparcar en toda a praza aínda seguen colocadas.

JUAN REY, PRESIDENTE DE ZONA

CENTRO: “URXE A COORDINACIÓN ENTRE O CONCELLO E A POLICÍA LOCAL.

Juan Rey de xeito tibio e sen largar o que ten largar contra o concello, é mais parece polas súas manifestacións que se alínea co alcalde,  fixo unhas declaracións nas que urxe a inmediata coordinación entre o

concello e a Policía Local . Juan di tamén que "estamos preocupados desde xuño porque despois do inverno malo en vendas , atopámonos con este problema coa Policía Local (¿?) (Non será mais ben un problema do Alcalde)". Tamén lle pide ao Alcalde que se atopen canto antes bolsas de aparcamento porque con esta situación “estamos a botar a xente do noso pobo e prexudicando a hostalería, ao comercio e a todos os veciños”.

Pero Juan non entra no fondo do asunto,  e este é,  que quen manda en Cambados e o Alcalde e quen ten que poñer o solución e o Alcalde e se non é capaz Juan como presidente dos comerciantes tería que pedir a súa dimisión.

HAI SOLUCIÓN? SI SI TIVERAMOS UN ALCALDE COMPETENTE.

Evidentemente claro que hai solución,  si tiveramos unha alcalde competente na noso pobo do cal obviamente carecemos.  O solución e moi doada, si en vez de pagar mais de 25.000 euros ao mes en enchufados e asesores inútiles,  e encargaramos a quen realmente entende  unha reordenación de trafico na nosa vila, e feito isto sentamos a Policía Local   nunha mesa  e escoitamos a súas reivindicacións e chegamos a un acordo con eles o problema solucionaríase nun abrir e pechar de ollos.  Pero para iso insistimos, temos que ter un alcalde competente. Aquí neste pobo fixéronse rúas  sen consultar a ninguén e agora temos  o problema que temos.

A PRENSA  DO RÉXIME,  A MORTE CO ALCALDE

Se ledes a prensa do réxime podedes ver que todos eles están co Alcalde e  de xeito "subliminal" deixan recaer as culpas na Policía Local de Cambados, cando non insultan a este corpo como certo medio que lle chegou a chamar “díscolos” a Policía Local, pero non teñen "agallas" a chamarlle incompetente  a un alcalde que o é o demostrou con creces. Claro, hai medo a perder subvencións de Feijoo, Louzán e a publicidade do concello de Cambados, e así cargámoslle a culpa aos traballadores ( que é o mais doado) ao mesmo tempo que falamos ben dun inepto e dun incompetente. Insistimos por enésima vez aquí non criticamos a quen traballa neses medios senón a súas liñas aditoriaís, o que queira collelo doutro xeito ala el (ou ela). 
QUE PASARÍA SE NOS MULTAN?

Segundo o noso incompetente alcalde nada, para nada mais lonxe da realidade e hai varias opcións:
1º.- Pagar a multa por pronto pago que seria a metade, creemos que a sanción por mal aparcamento son 200 euros.
2º.- Recorrer,  e entón teria que resolver o Alcalde o recurso, e si é certo o que di el (pois calquera se fia do noso Alcalde) teria que ditar unha resolución  na que dixera que non ha lugar a multa.
3º.- Se dita esta resolución e a Policia Local (ou calquer veciño) , nun caso hipotetico,  denunciara os feitos podemos estar perante unha irregularidade administrativa,  cando non perante un delito de prevaricación.
4º.- Que alguen,  unha vez reciba as multas no concello non lle faga caso, o cal non é moi aconsellabel porque poderia mterse en problemas serios e gordos.
5º.- E por último, e non por elo menos importante que o Alcalde se aplique a solución que se aporta neste mesmo artigo, non é a primeira vez que o noso alcalde da "marcha atrás" nun asunto por presións veciñais.