PACO CHARLIN, HOXE NO AUDITORIO DE CAMBADOS.

Charlin en plena actuación.

Cambados inaugurou onte, ao grande, o seu ciclo internacional de Jazz. Pero será esta noite cando o auditorio da Xuventude acolla a actuación máis espectacular, a de The Ultimate Jazz Earth-tet. Catro músicos americanos e o arousán Paco Charlín subirán ao escenario para interpretar un repertorio completamente orixinal que fará as delicias dos presentes. A actuación dará comezo ás nove e media da noite. A entrada será libre e gratuíta ata completar aforamento.

A formación é o último proxecto do arousán Charlín, que esta noite se ocupará do contrabaixo. Ao seu lado estará Walter Smith II, saxo tenor que chega desde Los Ángeles. Boston é a cidade natal do trompeta, Darren Barret e Philadelphia, a do pianista Orrin Evans. A formación a completa Reggie Quinerly, un batería de Nova York. «Tratar dunha aposta arriscada porque traer a músicos deste nivel non é nada doado», argumentou o propio Charlín. O repertorio desta formación é totalmente orixinal, levando a cabo como base rítmica e harmónica a tradición e a composición contemporánea do jazz moderno actual. Todos os integrantes desta formación son recoñecidos artistas do panorama actual do jazz afroamericano e colaboraron cos grandes mestres da historia do jazz no seu país de orixe.