A TI MEU CAMBADOS: CAL SERÁ O SEGUINTE CABALEIRO DO ALBARIÑO PROCESADO?

" Cando fomos os mellores " é unha das mellores cancións deLoquillo. A súa letra vén como anel ao dedo para recordar que sos quedan algúns que o foron todo cando os seus valedores e beneficiarios certifican que xa non é politicamente correcto manterse preto do que parece un cadáver político.

Este é o caso do cabaleiro do Albariño Jaume Matas Palau ex presidente do PP en Baleares, ex Presidente da C.A e ex Ministro de Medio Ambiente cos gobernos da Cousa. Hoxe
está sentado no banco por todo tipo de delitos que cometeu no denominado Caso Palma Area.

Pero o motivo deste post non é entrar neste Caso.. O motivo é refrescar a memoria aos que agora miran para outro lado e non saben nin sequera onde esta Baleares. Son numerosos os exemplos de peperos orixinais e xenuínos que durante anos se deixaban ver con Matas, ceaban con Matas, xantaban con Matas, paseábanse en iate con Matas, invitaban a Matas a todo tipo de serán, facían negocios á sombra de Matas. A súa xestión era un referente do bo goberno popular.

Un modelo a seguir se algunha vez -dicían- gobernasen en España. Un deses casos temolos precisamente en Cambados, o exalcalde Touris, actual superdelegado quen o mesmo dia de do Albariño de 2002 nomeo dona e cabaleiro respectivamente a Ana Pastor "Alemán" e Jaume Matas, anecdoticamente non cumpreu o xuramento integramente xa que non quixo beber como é de rigor no xuramento de entrada á orde. O presidente da Xunta, Manuel Fraga, aforrador, decidiu que o viño da copa destinada ao ministro non podía perderse e alí mesmo fíxolle as honras.

Pero temos mais exemplos deste “non coñcecer a Matas” , pola súa importancia imos seleccionamos tres:

O primeiro é por méritos propios Mariano, o estadista a tempo parcial. Todo ía ben ata que un día, visto como evolucionaba o patio xudicial, decidiu quitarse do medio e pronunciar aquela frase referida a Matas no que lle desexaba sorte e que,defendésese se é que podía. Ata ese instante foron moitos anos de relación persoal, familiar e política. Compañeiros de Consello de Ministros, compañeiros como cabaleiros do Albariño, compañeiros de Partido, ata algún que outra viaxe a Baleares para compartir mesa, puro e confidencias.

O segundo é o inmoral Pedro José Ramírez Codina (candidato sempiterno a Cabeleiro do Albariño, pero ten un caché moi alto) que vió en Matas, como antes a outros moitos que despois lle saíron ra ( Mario Conde, etc ) unha especie de filón para facer negocios mediáticos nas illas e xa de paso buscarse a súa protección oficial para que a súa piscina ilegal fose preservada da mirada atónita de cidadáns indignados ( en honra á verdade hai que dicir que neste apoio non estivo só apoiado por Matas. Tamén un ex Ministro de ZP, por razóns que só o e o seu confesor coñecen, decidiu utilizar as súas influencias para apoiar ao inmoral do seu amigo Pedro José ). O paradoxo para Matas é que hoxe está sentado no banco dos acusados xunto a un estreito colaborador do xornal que dirixe o mesmo personaxe que durante anos foi o seu amigo da alma, iate e piscina. .

E para rematar non podía faltar á cita o cada día menos xenro e cada vez menos presunto, Iñaki Urdangarín. A súa alianzas con afán de lucro con Matas e a súa contorna eran notorias e publicas. Por sabelas, admítese agora que o sabían ata na Zarzuela.Era diñeiro facil que saía sen retorno do erario publico. Os seus convenios á sombra da brisa do mediterraneo estalles levando a un portal sen saída. Visto o visto, non deixa de ser curioso que o primeiro dos exemplos citados sexa agora Presidente do Goberno, o segundo continue envenenando este país as 24h do día e só sexa o terceiro o único que leva camiño de sentar no mesmo banco que hoxe a estreado o seu patrocinador. As voltas que dá a vida.