Levo trinta e tres anos traballando nos
xulgados de Cambados e por eles pasaron miles de compañeiros que viñan de paso
para buscar un destino mellor, sempre lle chamou a atención do noso pobo,
aparte do bonito que é, dúas cosas ,unha que sempre estamos a botar fogos todos
os dias do ano, é mais, unha das
protestas dos inquilinos do Parador de Cambados que mais deixan no libro de reclamacións é os
fogos que hai no pobo, e
outra a cantidade de misas, procesións e actos relixiosos que hai en Cambados.
Onte toculle a quenda os amantes dos animais que estiveron de festa.
O bo tempo acompañou a conmemoración da festividade de San Antonio en Cambados
e sacou de casa decenas de mascotas que non quixeron perderse a bendición no
adro da igrexa parroquial. E é que, na capital do albariño, ate as mascotas van
a misa. A mobilización dos membros da Protectora de Animais de Cambados,
encabezada por Olga Costa, foi tremenda e algúns nenos e voluntarios acudiron
ao acto disfrazados de abellas e doutro tipo de animais. Todo para que lucise o
cariño que esta localidade desprende cara aos animais que por certo non ten que
ver nada coa relixiosidade nin unha cousa leva a outra. Non obstante, e pese
que entre a multitude se coaron algúns peixiños e algún que outro paxaro, os
grandes protagonistas da bendición foron os cans.
O párroco de Cambados, José Aldao, foi tocando
coa auga bendita a todas e cada unha das mascotas que acudiron cos seus amos a
un evento que é toda unha tradición e que se repite noutras localidades da
bisbarra do Salnés como Vilagarcía. A multitude sufocou por uns instantes a
algún dos presentes, aínda que a cita transcorreu sen ningún tipo de altercado.
E é que a de onte era a xornada delas, das mascotas.
O goberno do PP sabe que a
igrexa é unha mina de votos e impulsa e protexe estas festas porque lle vai a
vida niso por iso pese a que nalgunhas administracións os recortes son durísimos
a igrexa non se lle recorta nada mais ben todo contrario increméntaselle as
partidas tal e como podemos comprobar no B.O.E. que ilustra esta nova. Despois non é de
estrañar que calquer día vexamos a Garda Civil patrullar cun 600. Todo sexa
pola santa Madre Igrexa.
FOTOS RECOLLIDAS DE INTERNET.
Para unha
mellor navegación por este blog usa o navegador GOOGLE CHROME. Descarga
GOOGLE CHROME premendo AQUÍ.
Ningún comentario:
Publicar un comentario