23 de xan. de 2012

O BLOQUE CONTA CON CASE 5.000 INSCRITOS PARA A SÚA ASEMBLEA. DE CAMBADOS IRA UNHA DELEGACIÓN BASTANTE NUMEROSA.

O BNG conta con case 5.000 militantes inscritos para a súa XIII Asemblea Nacional que se celebrará a próxima fin de semana en Santiago, na que elixirá os novos órganos de dirección e tamén decidirá quen vai ser o seu candidato á Xunta nas próximas eleccións autonómicas. De Cambados preveese unha delegación bastante númerosa dado o interese despertado por esta histórica Asemblea. En principoio os tres concelleiros do BNG no concello de Cambados, Victor Caamaño, 
Maria Xosé Cacabelos e Xaquin charlin teñen previsto a asistencia a meritada asemblea.
Así o puxo hoxe de manifesto o deputado do BNG no Congreso Francisco Jorquera, quen, nunha entrevista hoxe na Radio Galega, destacou a "implicación extraordinaria" da militancia para este proceso, do que espera que o Bloque sairá "máis fortalecido".
Jorquera, quen se postula como candidato á Xunta dentro da candidatura da Alternativa pola Unidade, auspiciada pola UPG, xunto a Guillerme Vázquez, que opta á reeleción como portavoz nacional, descartou agora o risco de ruptura dentro da formación nacionalista sobre o que advertira tras as eleccións xerais.
Ademais, aínda que non negou que poida haber unha candidatura de consenso, porque "as pontes de comunicación sempre están abertas", cre que hai diferenzas entre as diversas correntes que "fan difícil" a integración nunha única lista.
Pola súa banda, Vázquez, nunha entrevista en RNE, manifestou que a organización nacionalista ten que saír da asemblea "clarificada e disposta ao combate esencial" e "cun proxecto claro e alternativo que de resposta ás necesidades de Galicia ".
Vázquez considerou que a bicefalia no BNG, cun líder e un candidato á Xunta, non suporá un problema, senón que considera que "é máis operativo e máis útil" porque así unha das persoas pode "dedicar unha parte importante dos esforzos ao traballo organizativo e outra ao traballo social".
Polo que respecta a se Jorquera deixará o seu escano no Congreso de saír elixido na asemblea como candidato á Xunta, Vázquez manifestou que sería en "o momento adecuado".
Tamén se pronunciou hoxe sobre o proceso asembleario no que está inmerso o BNG, o seu portavoz parlamentario, Carlos Aymerich, quen opta noutra das listas a ser o candidato nacionalista á Xunta, acompañado do líder de Encontro Irmandiño, Xosé Manuel Beiras, para portavoz nacional.
Aymerich manifestou nunha entrevista na Cadena SER, segundo unha nota remitida por este medio, que Beiras "non aspira a ser a cara pública do Bloque" xa que o candidato á Xunta sería el, pero considera que hai que "darlle unha oportunidade" de botar unha man para restablecer a convivencia na formación frontista.
Para Aymerich é "importante que a cuestión da bicefalia non derive en cefalea" e, sobre a posibilidade dun acordo entre as distintas correntes, asegurou que, pola súa banda, "a man segue tendida" para "buscar unha base política estable para convivir".
En todo caso, a corrente que lidera Máis Galiza, "vai seguir dentro do BNG, actuando lealmente", asegurou, segundo a información da Cadea SER.
        
                        
Para unha mellor navegación por este blog  usa o navegador GOOGLE CHROME. Descarga GOOGLE CHROME premendo AQUÍ.

Ningún comentario: