A ASOCIACIÓN DE PESCA “AS JORITAS” DENUNCIA O LAMENTABLE ESTADO DO PANTALÁN “AS GORITAS”. BARALLAN NEGARSE A PAGAR AS TAXAS

"As Joritas" veñen denunciando que este pantalán ten 20 anos de antigüidade e presenta serias deficiencias. Non só refiren falta de auga corrente, luz e uns mínimos de seguridade pois non dispón de ningún tipo de peche e, aseguran, xa foron obxecto dos ladróns en máis dunha ocasión. Para eles, o máis urxente é a falta de calado que, afirman, imposibilita que os socios poidan atracar ou saír das súas prazas durante gran parte do día,  calado que segundo algún entendidos e imposible pois hai unha enorme laxe debaixo do pantálán. 
De feito, existe certa desconfianza entre os seus socios pois a Confraría San Antonio tamén  pediu a reordenación de "As Goritas" -no porto tamén atracan embarcacións de traballo- e segundo repártanse as prazas, o usuario terá máis ou menos dificultade precisamente por esa falta de calado.

Portos de Galicia adxudicará un total de 58 prazas de amarre para embarcacións deportivas no porto das Goritas. Unha cifra que resultará insuficiente para acoller a todos os usuarios actuais, tendo en conta que os máis numerosos pertencen ao club de pesca "As Joritas" que ten 78 socios e medrando.

Precisamente a entidade protestaba tiomidamente  fai algunhas semanas polo estado das instalacións, sobre todo, tras comprobar que as melloras realizadas por Portos en xaneiro para nada correspondíanse co solicitado ao seu presidente, José Juan Durán. De feito, a súa directiva segue pendente dunha reunión con el para aclarar as necesidades porque, en caso de non levar a cabo unhas melloras mínimas, non están dispostos a pagar as taxas (ata agora non se cobraba nada).

Polo si ou polo non, os seus responsables recomendaron aos socios que presentasen a súa solicitude que, sumadas ás doutros particulares, poden ascender ao centenar. Xa que logo, non sería suficiente a oferta exposta por Portos (58 prazas) aínda que, cabe recordar, existe a posibilidade de ampliación.

Segundo o prego de condicións desta convocatoria, os adxudicatarios finais disporán da concesión durante un período de tres anos, prorrogables; e a tarifa (X-5) liquidarase por semestres adiantados.

Segundo a lei de prezos públicos de Portos, unha embarcación de 6 metros de eslora por uns 2,3 de manga (o máximo permitido) tería que pagar uns 277 euros ao ano por uso da lámina de auga e as instalacións.

O importe da tarifa variará segundo o tamaño, así como as bonificacións existentes e se se contratan outros servizos. A normativa contempla cinco posibles e como os máis destacados están dispor de "finger" ou brazo de amarre en cada posto, ter toma de auga ou de enerxía eléctrica así como pola vixilancia. Con todo, neste caso, non hai posibilidade de contar con practicamente ningún.

Ata agora, Portos só realizou melloras como o recambio dalgunhas táboas da pasarela de acceso e a dotación de varios flotadores, "parches", en opinión "das Joritas". De feito, na reunión con Durán, xa pedida, insistiranlle na necesidade de dragar que, segundo os expertos, neste caso, podería ascender a uns 300.000 euros e coa que está caindo faise caseque imposibel acometer esta obra por unha administración.

      

                        

Para unha mellor navegación por este blog  usa o navegador GOOGLE CHROME. Descarga GOOGLE CHROME premendo AQUÍ.