PREMIO ESTATAL PARA A POLICIA LOCAL DE CAMBADOS

Gustanos especialmente ler e enterarnos de  novas coma esta, os nosos mais sinceiros parabéns a Policia Local de Cambados.  O seu programa  "VEL A" acaba de recibir o premio "Fesvial" tras competir con outras 37 iniciativas procedentes mesmo de grandes cidades. É máis, foi o único concello galego participante que logrou o recoñecemento do xurado por este conxunto de accións que tiñan por obxectivo sensibilizar e educar os máis novos para previr a 

condución baixo os efectos do alcohol. O programa foi posto en marcha en febreiro de 2010 e con grande éxito en palabras dos responsables municipais. O seu promotor foi o xefe do Corpo local, Maximino Cid Ferro, (actualmente en comisión de servizo en Ourense) que tamén tivo a idea de concorrer ao certame convocado por SegunCITY, unha entidade que agrupa responsables de seguridade local de todo o ámbito nacional.

Concretamente, a capital do albariño logrou o segundo posto na modalidade de boas prácticas, por diante de Castelló ou Amorebieta(Bizkaia). Pero, en total, competiu con outras 37 iniciativas procedentes de cidades galegas como A Coruña e Pontevedra que, segundo Cid Ferro, presentou ata dous cada unha; e urbes como Madrid.

Fallo do xurado > El xurado concedeu a distinción ao proxecto "VELA " (refírese á ecuación Velocidade e Alcohol) tras valorar diversos aspectos moi positivos, como o alto nivel de calidade dos materiais empregados, a cooperación con outras institucións e o traballo en rede coas diferentes entidades representativas do tecido social e a comunidade escolar", segundo a acta do fallo.

Cabe recordar que se implicou á Dirección Xeral de Tráfico, a asociación Zona Centro, os institutos e os pubs do batifondo nocturno tamén colaboraron coa proxección de imaxes relacionadas cos perigos da velocidade e o alcohol, así como na repartición de folletos.

No seu momento, a campaña xa foi pioneira en toda a provincia, sobre todo, pola súa banda práctica. Levouse a cabo nas propias rúas da localidade por medio dun estudo de velocidade non sancionable aos condutores para que os mozos coñecesen o radar en primeira persoa, coas explicacións dos axentes da Policía Local.

A fase teórica desenvolveuse no Francisco Asorey e o Ramón Cabanillas, coa participación tamén dos docentes. E ademais, convocouse un concurso nacional de deseño de carteis para que os estudantes expuxesen dende a creatividade o seu particular visión sobre os problemas do tráfico. Todo o necesario para reducir as vítimas da estrada cero. Cada ano falecen 1.500 mozos.

O xefe da Policía Local, Maximino Cid Ferro, manifestaba onte a súa satisfacción pola consecución deste galardón dende a súa cidade natal, Ourense, onde permanece dende hai case un ano en comisión de servizo. Como experto e coordinador da iniciativa cre "VEL A" cumpriu os seus obxectivos e, sobre todo, permitiu "romper a barreira existente entre o axente e a xente nova, que nos viran como o que somos, un servizo público,".

O policía cualificou a experiencia como positiva e valorou os seus resultados. Así, a curto prazo considera que foi beneficiosa porque achegou aos máis novos a ferramentas como o radar, para facelos chegar á conclusión de que velocidade e condución pode resultar moi doadamente nun accidente mortal; así como para achegar a figura do axente á cidadanía e, sobre todo, entre os máis novos que só vían neles á autoridade e non ao servizo público que son, "era unha das miñas pretensións", manifestou.

En canto aos seus efectos a medio e longo prazo, Cid Ferro considera que o feito de que ese ano (2010) non houbese accidentes mortais nin tampouco con feridos de gravidade nos que participasen o alcohol e a velocidade é destacable aínda que, "ao mellor é unha casualidade". Tamén considera o xefe que este premio pon a Cambados "no panorama nacional da seguridade vial". Un posto ao que contribuíron, segundo el, outros logros como o concurso de teatro da DGT gando pola asociación Esperanza Salnésou o curso de verán organizado coa colaboración da Universidade de Vigo, e ao que acudiron máis de 100 expertos chegados de toda España. Un conxunto de iniciativas que sumado a outras accións desenvolvidas polo Corpo (como os controis preventivos) "nos converten nun dos sitios máis seguros".

El foi o creador e deseñador da campaña pero onte manifestaba que sen a aposta do Concello, dos axentes e, sobre todo, da cidadanía cambadesa non tería sido posible.

Por outra parte, o mes que vén cumprirase un ano dende que lle foi concedida a comisión e descoñece cando regresará.

Pero como o mellor escribano ten un borrón, hoxe cariñosamente  e xa que falamos da policia local traemos esta "simpática" foto no que o "cazador" podia ser "cazado". Sen acritude.

         

                        

Para unha mellor navegación por este blog  usa o navegador GOOGLE CHROME. Descarga GOOGLE CHROME premendo AQUÍ.