FESTAS DA PEREGRINA 2012 . TREIXADURA, CO CORO CANTIGAS E AGARIMOS , PRESENTA “ESA SI QUE É MUIÑADA” NA PRAZA DE ESPAÑA DE PONTEVEDRA

Mañán mércores, 15 de agosto ás 22:30 h Treixadura presentará na praza de España de Pontevedra, coa Coral Cantigas e Agarimos como convidados especiais para esta
ocasión, o seu novo traballo discográfico “Esa si que é muiñada” no que a propia coral participou. Este concerto enmárcase nas Festas da Peregrina 2012 e forma parte dunha xira de presentacións deste traballo que xa levou a Treixadura por diferentes cidades e vilas de Galicia e que se prolongará ata o outono/inverno.

Cantigas e Agarimos

Treixadura é sinónimo de música tradicional. 20 anos de gravacións e concertos, 5 discos no mercado e unha variada gama de colaboracións discográficas. Dúas décadas compartindo co público o poder e a forza evocadora, máxica e reconfortante do canto colectivo.

“Esa si que é muiñada”. (Treixadura, 2011) É un traballo que pretende revivir a música e os cantos populares que aínda se agochan no substrato dun pobo que garda con celo o seu patrimonio cultural.

Menos mal que hai alcaldes con dous dedos de fronte e saben combinar a msuica actual coa música traudicional como é caso do amigo Lores en Pontevedra.