O PUBLICO TERÁ ACCESO O INTERIOR DO PAZO DE FEFIÑANS POLO MENOS CATRO VECES O MES, UNHA VEZ SEXA DECLARADO COMO BIC

O presidente da Xunta, Alberto Núñez Feijóo, anunciou este domingo a decisión do seu Goberno de declarar Ben de Interese Cultural (BIC) o Pazo de Fefiñáns, en Cambados (Pontevedra).

"Imos coidar esta contorna, esta arquitectura, esta paisaxe e estes edificios que forman parte da historia de Galicia, imos coidalos e a protexelos", proclamou o mandatario autonómico na súa intervención na LX Festa do Viño Albariño.

Segundo prevé a propia Lei, un BIC é calquera inmoble e obxecto moble de interese artístico, histórico, paleontolóxico, arqueolóxico, etnográfico, científico ou técnico, que sexa declarado como tal pola administración competente. 

Conforme ao establecido na Lei 16/1985, para que un elemento patrimonial pase a formar parte do Catálogo de Bens de Interese Cultural de España, é preciso que se incoe un expediente pola administración competente (aínda que pode facerse a solicitude de entidades ou particulares). Unha vez incoado o expediente, aplícaselle ao ben patrimonial, con carácter preventivo, toda a protección xurídica prevista nas leis.

CONSECUENCIAS DA DECLARACIÓN COMO BIC

Un Ben Cultural ao ser declarado BIC:

- Será de dominio público (distinguindo "dominio público" de "propiedade privada"; un particular pode ser propietario dun BIC, pero a Administración protexerá o valor artístico, histórico, espiritual do ben)

- Necesitará autorizacións para calquera obra ou modificación (tanto en bens inmobles -edificios- como mobles -unha pintura por exemplo-, é dicir, necesitarase autorización para restaurar unha pintura e autorización para pintar a fachada dun edificio BIC).

- Terá obrigación de facilitar inspección, visita pública e investigación (se o BIC é de propiedade privada, o dono deberá facilitar a súa visita determinados días ao mes -normalmente 4- por exemplo, un castelo propiedade dun Conde, este deberá abrilo ao público certos días ao mes, previamente acordados coa Administración)

- Terá privilexios fiscais. O dono dun BIC pode recibir axudas para o seu mantemento, restauración, etc.

-  Son inseparables da súa contorna e inexportables. Iso inclúe os bens mobles (pinturas, xoias), que é ilegal sacalos do país.

-  Desde a incoación do expediente pódense parar as licenzas de obras.

- No caso dos inmobles, será obrigatorio redactar un plan especial ou protexelos con calquera outra figura da achaiadura.

FOTOS: EDUARDO APARIZ