TRIUNFO CLAMOROSO DE TREIXADURA NAS FESTAS DA PEREGRINA 2012

A PRAZA DE ESPAÑA, ATEIGADA DE PÚBLICO, GOZOU DUN CONCERTO INOLVIDÁBEL DE TREIXADURA CON CANTIGAS E AGARIMOS.

 Varios miles de persoas ateigaban ás 22:30 h do día 15 de agosto a Praza de España de Pontevedra agardando un concerto que se prevía emocionante polo seu carácter excepcional. O grupo Treixadura convidaba á histórica coral Cantigas e Agarimos de Santiago para desenvolver un espectáculo conxunto na presentación do disco “ Esa si que é muiñada”.

Un minucioso traballo de montaxe e preparación deste concerto tivo como resultado un espectáculo inesquecible na que Teixadura pretendeu render tributo a tódalas corais populares e en particular ás catro corais decanas de Galicia que participaron na gravación deste novo traballo discográfico: “Cantigas e Agarimos” (Santiago de Compostela) , “Cántigas da Terra”  (A Coruña), “Real coro Toxos e Froles” (Ferrol), a “Coral De Ruada”  (Ourense)

O público entregouse dende as primeiras notas e foi testemuña da secuencia de acontecementos que ían sucedéndose no escenario. Na Muiñeira de Baiona varias parellas de baile pertencentes á Cantigas e Agarimos déronlle unha imprevista nota de cor ao espectáculo que se repetiu posteriormente noutras pezas.

A temperatura subiu moitos graos cando, despois da coñecida peza “Ven ver o mar” fixo a súa aparición no escenario a coral e interpretou en solitario unha fermosa versión de “Lela”. A parir dese momento Cantigas e Agarimos xa acompañou a Treixadura ata o remate do espectáculo dando lugar a momentos de gran intensidade emotiva que foi correspondida con calorosas ovacións por todo o público que enchía a praza.

Este concerto enmarcouse nas Festas da Peregrina 2012 e forma parte dunha xira de presentacións deste traballo que xa levou a Treixadura por diferentes cidades e vilas de Galicia e que se prolongará ata o outono e inverno.

Treixadura é sinónimo de música tradicional. 20 anos de gravacións e concertos, 5 discos no mercado e unha variada gama de colaboracións discográficas. Dúas décadas compartindo co público o poder e a forza evocadora, máxica e reconfortante do canto colectivo.

“Esa si que é muiñada”. (Treixadura, 2011) É un traballo que pretende revivir a música e os cantos populares que aínda se agochan no substrato dun pobo que garda con celo o seu patrimonio cultural.

Eu tiven a sorte de estar ali e vivir un espesctáculo marabilloso do que sempre “nos libra” o noso alcalde Luis Aragunde que prefire traer o “pijo” de Julio Igleisas (e de pago)  en vez de realzar os valores tradicionais da nosa música. Podes ver na columna da dereita un video da interpretación da "Foliada Marmuradora" deste concerto.