A DITADURA DO PP PROHIBE A CONCENTRACIÓN DE ALFAGEME EN CAMBADOS

As traballadoras de Alfageme suspenderon a concentración que tiñan previsto levar a cabo ante o Concello de Cambados ao non autorizala a Subdelegación do Goberno por non considerala urxente, segundo informou Rosa Abuín, portavoz
da CIG. 

O subdelegado Antonio Coello non autorizou a protesta, que ía repetirse en cada concello da comarca do Salnés, alegando que se solicitou cun prazo de dez días. 

Todos estes engañaron as mulleres de Alfageme

Esta tarde no transcurso dunha asemblea o sindicato e as traballadoras estudaron novas medidas de protesta, pero volverán reunirse o venres para concretalas. 

Mañá Abuín reunirase co avogado "para concretar a querela por prevaricación que imos presentar, de inmediato, contra o Conselleiro de Industria, Javier Guerra, e o director do Instituto Galego de Promoción Económica (IGAPE), Javier Aguilera, por non mover un dedo para adxudicar a empresa" Alfagema, dixo. 

As traballadoras de Alfageme asinaron co grupo Consorcio un acordo, o 28 de marzo de 2011, para manter os postos de traballo e a actividade industrial do grupo conserveira galego, "xa que logo o IGAPE mente ao dicir que a proposta do Consorcio non mantiña a relación laboral", afirmou a portavoz da CIG. 

A BNG sempre estivo o lado das traballadores, acompañados no primeiro día que se concentraron como en tantas ocasións