“SI RADIO", “VIVIR EN CAMBADOS” E "CONEXIÓN DANCE” RESUCITAN RADIO SALNES

Ismael, administrador de “Vivir en Cambados" contanos o seguinte na súa web:

“Fai máis dun ano que un grupo de veciños de Cambados
interesámonos polo funcionamento da radio local que, desde o noso punto de vista, non cubría ningún dos obxectivos para os que foi creada, xa que funcionaba como un simple repetidor doutra radiofrecuencia.

Ismael

Un ano no que, reunión tras reunión, démonos conta da enorme dificultade do proxecto e para o que buscamos o apoio dunha cadea con máis de oito anos de experiencia en radios locais como é Se Radio.

Durante todo este tempo un gran equipo de persoas traballou co obxectivo de dar forma a un proxecto que fose capaz de convencer aos responsables do Concello de que somos o grupo adecuado para levantar este dial. Quero recoñecer e agradecer que desde o propio alcalde, Luís Aragunde, como do seu equipo, nunca se nos pechou a porta a ningunha das nosas ideas ou preguntas, senón todo o contrario, axudáronnos a darnos conta do que leva a emisora municipal e facilitáronnos todos os contactos para que isto chegase a bo porto. Agora toca demostrar que é posible levantar o 107.9 e convertelo nun medio de comunicación con sede en Cambados e que emite para toda a Ría de Arousa.

Arousa Se Radio -Radio Salnés- está emitindo en probas desde o 107.9 desde onte. Invitamos a todos os veciños de Cambados a sintonizar a súa emisora e a seguir a evolución na programación que se irá implementando nas próximas semanas.”

A min pareceme unha idea brillante, a cal ten todo o meu apoio persoal e a miña colaboración por adelantado si lle fixera falta, agora ben espero,  que estando Ismael polo medio,  a radio vai ser libre, independente,  veráz, sen ataduras politicas e por suposto  amena e divertida e que lle faga dura competencia a “Radio Baldosa”.  Non quixera despedir esta nova sin facerlle o meu mais sincero recoñecemento a Susana Figueiras quen como pudo e sin medios mantivo cunha chama de esperanza e  co súa agradable voz en antena mentras tivo forzas a  Radio Salnes.