UNHA ESPECTACULAR MONTAXE DE “MONTADICTOS MONTA CAMBADOS” REABRE A VELLA REIVINDICACIÓN DAS ANTIGAS ESCALEIRAS DA IGREXA DE FEFIÑANS.

LUÍS ARAGUNDE DEBÍA TOMAR NOTA DUN ACORDO DA XUNTA DE FRAGA DO ANO 2005 QUE MANDABA REPOÑER AS ESCALEIRAS ANTIGAS EN VEZ POÑERLLE ESTATUAS O DICTADOR.

“””Na monumental praza de Fefiñáns —que os vellos de antes chamaban O Eirado e que dos nosos país aprendemos a chamar praza do Mercado ou O Mercado—, que ata o séc. XVIII estaba aberta ó mar na cara oeste, o visitador compostelán viu a ermida-hospital de San Bieito, que posteriormente se reformaría para dar lugar á actual igrexa dedicada ó mesmo santo, con catro arcos de medio punto na bóveda principal, que presenta a orixinalidade de estar feíta de pedriñas, algunhas pequerrechiñas. As dúas torres barrocas da fachada principal teñen cadansúa escaleiriña de caracol que dalgún xeito lembran a impresionante escaleira de San Domingos de Bonaval. A igrexa de San Bieito (popularmente San Benito por castelanización, pero os apelidos son os galegos Viehes ou Viéitez) está construida a unha altura maior có resto dos edificios da praza, polo que hai que subir ó adro por diversas escaleiras de pedra. A escalinata orixinaria do muro principal do adro, o que da á praza, foí totalmente reformada nos pasados anos 70, a pesar das protestas. O Parlamento galego aprobou no 2005 que se restaure a escalinata coa estética orixinal, pero falta o orzamento necesario.”””

Este fenomenal texto  foi recollido do libro de Francisco Fernández Rei “A Memoria de Cambados”, nel entre outras fermosas cousas dinos que o  Parlamento galego aprobou no 2005 que se restaure a escalinata coa estética orixinal, pero falta o orzamento necesario. 

Rexentando o BNG  a Consellería de Vivenda na época do bipartito tiñan feito xa un proxecto moi ambicioso e pioneiro en Galicia no que se implicaban  as consellerías de Vivenda, Innovación e Industria e Cultura para tentar converter a praza de Fefiñáns nun espazo peonil aberto para a convivencia e o gozo das persoas de Cambados e dos turistas que nos visitan. Incluía un convenio cos propietarios do Pazo para a súa rehabilitación a cambio de adicar algúns espazos para oficina turística, aula de rehabilitación e zonas de visita. Tamén se pretendia restaurar a escaleira central de acceso á igrexa de Fefiñáns, tampouco se levou a cabo por falta de orzamento.

O 28 de xaneiro de 2010 a desaparecida asociación Unha Grande Chea no seu blog volvía a poñer de actualidade esta eterna reivindicación dos cidadáns cambadeses.

Con esta espectacular montaxe realizada pola páxina de facebook  “MONTADICTOS MONTA CAMBADOS” volve a poñer de actualidade esta vella reivindicación, a que este blog súmase  totalmente. 

Por certo está páxina fai unhas montaxes preciosas, aquí vos deixo unhas cantas, aparte da escalinata: