AS CONDICIÓNS DO BNG COMPLICAN O PACTO DE GOBERNO EN CAMBADOS, SEGUNDO A VOZ DE GALICIA

BEA COSTA REDACTORA DO MEDIO DI QUE OS CATRO GRUPOS REÚNENSE ESTA TARDE PARA "DESBLOQUEAR" A SITUACIÓN.

A luz vermella segue a estar encendida e no seu maior explendor sengundo a periodista Bea Costa, cada un que lle dea a crdibilidade que merece, pero esto empeza a ser

alarmante para o pacto do cuadripartito. Di o medio que seis días despois do pleno de investidura, en Cambados segue sen haber grupo de goberno, e é que ao cuadripartito liderado pola socialista Fátima Abal, fállalle unha pata: a do BNG. Do clima de consenso e entendemento que se respiraba o luns ao mediodía, tralo traspaso de poderes celebrado no Concello, pasouse a unha situación, cando menos, de incerteza. No Bloque queren a primeira tenencia de alcaldía e unha liberación a tempo completo para o seu portavoz, Víctor Caamaño, cun soldo similar ao que cobra actualmente como profesor no instituto Francisco Asorey. E este salario supera ao que estaba previsto que cobrase a

alcaldesa e, moitísimo, aos 25.760 euros que percibía o primeiro tenente de alcalde no goberno do PP, Antonio Iglesias Pombo. 

Segue a dicr o citado periódico que tendo en conta que as forzas de esquerda dixeron en campaña e repetiron despois que o novo goberno íalle a saír aos cambadeses máis barato que o de Luís Aragunde, as contas non cadran. E é que á liberación da alcaldesa e do portavoz do BNG habería que sumar a de José Ramón Abal, de Pode, e unha cuarta a media xornada que tamén se puxo sobre a mesa para Xurxo Charlín, de Somos Cambados. Charlín apunta como home forte dun

suposto cuadripartito ao asignarlle carteiras como Economía e Facenda e a portavocía do goberno local, outra función coa que tampouco están conformes no Bloque. 

A Voz informa ademais que aos nacionalistas cústalles dixerir que sexa Somos -rivais directos durante a campaña- o que asuma a política de comunicación do Concello.

Víctor Caamaño non quixo onte pronunciarse sobre a situación que atravesan as negociacións. Esta tarde (xoves)

está prevista unha nova reunión entre os catro grupos para tratar de limar o que empezan a ser máis que simples asperezas, aínda que no PSOE e en Pode non o ven deste xeito. Tanto a alcaldesa como José Ramón Abal dixeron onte descoñecer a existencia de disensións internas. E de habelas, apuntan desde Pode, «non son insalvables».

Así foi a información e así vola contamos. E a segunda información sobre o tema no mesmo día do citado periódico, esperemos que non sexa certa e caso de selo que o Bloque rectifique canto antes polo ben de todos os cambadeses.