A REGATISTA CAMBADESA DO R.C.N. SANXENXO ASINOU UN ESPECTACULAR FINAL DE GRUPO OURO EN GALES
A regatista cambadesa Alba Trigo demostrou en augas de Pwllheli, Gales, que se trata dunha das máis ilusionantes promesas da vela arousana. Na súa primeira internacionalidade oficial con España, a moza deportista do Real Club Náutico Sanxenxo acaba de finalizar décima no
Campionato de Europa de Optimist.
Trigo logrou superar as duras condicións das primeiras xornadas da cita continental, iniciada o pasado día 17, para acabar entre as 49 mellores ao término da fase de clasificación e pasar o corte de acceso ao Grupo Ouro. Xa nel a arousana non deixou de crecer, escalando 30 postos mercé a unha serie final na que compensou un 43.º cun sexto, un décimo e un triunfo nas última manga.
A actuación de Alba Trigo redondeou o brillante balance do equipo feminino español, coa valenciana Julia Miñana alzándose co título europeo, e Alicia Frass quinta na xeral final.
Nova recollida de A voz de Galicia.
Fotos: Pontevedra Viva.
Ningún comentario:
Publicar un comentario