O grupo NOITE
FECHADA está de lanzamento e no día de onte veñen de publicar en youtube o seu
primeiro videoclip VERY JUAY CHUNAY. Dende a súa páxina de Facebook tamén nos
aseguran que será o primeiro de moitos, xa que polo que se pode ver nel non o
pasaron nada mal na gravación. O tema protagonista nesta presentación é o que
adican a cultura dos furanchos, nunha exaltación total absoluta da saída de
viños cunca en man e en contraposición os picoteos en “restaurantes pijos”. A
dirección corre a cargo de Alberto Domínguez Pedreira (Domín) e conta coa
colaboración de amigos do grupo como Goio, Touro ou Cores.
Noite fechada
recórdanos neste tema, no musical, ó mellor Rock Bravú coas eléctricas de
Carmelo e Matías dando todo e máis. Falando con este último a finais do pasado
ano recordo que me comentaba que este sería o ano, para ben ou para mal.
Dicíamo no sentido de que se seguían coas versións ían xa a cansar a xente e corrían
o risco de que os temas novos non chegasen á xente como o estaban a facer coas
versións. Pois visto o visto neste 2015 sortearon sen problemas o temido “batacaso”
e conseguiron tocar o ceo facendo vibrar a praza de Fefiñáns, neste último Albariño,
coas súas xa míticas versións e cos temas recén saídos do forno.
Do adianto que
temos do disco na súa canle de youtube, podemos ver que conservan a súa
esencia: RISAS, CARALLADA, un chisco de PROTESTA e por suposto ROCK&ROLL.
No referente as influencias vemos que van dende as máis obvias como Heredeiros
da Crus, ata as máis insospeitadas como poderían ser DEF CON DOS.
Supoñemos que o
lanzamento do disco completo se producirá a inicios de 2016 e que a súa
presentación será na súa sede, O Encontro en Barrantes, que vestirá as súas
mellores galas e se ateigará para a ocasión.
Dende A ti meu
Cambados recordámoslle que sempre van a ter o apoio deste Blog para
promocionarse cando queiran e teñamos constancia das súas actuacións. Persoalmente
o que aquí escribe ten pensado seguir a perder a conta das veces que vin en
directo a este grupo, xa que ademais de consideralos amigos, tamén os considero
unha gran banda de Rock.
Imaxes: Páxina de Facebook de Noite Fechada
Vídeo: canle de Youtube de Noite Fechada
Ningún comentario:
Publicar un comentario