Corren malos tempos para a lírica na rúa Alfonso Rodríguez Castelao e é que
o que noutrora eran peticións para entrar na lista co obxectivo de gañarse un
traballo no concello xa non é acicate para acceder a mesma, dadas as malas expectativas
dos populares nestes comicios. E que o PP con Aragunde ven de perder 1500 votos
en Cambados (máis de 16 puntos porcentuais), unha vía de auga que non son quen de
pechar.
E así chegamos a dúas semanas do peche do prazo da inscrición das listas
con un PP chamando a portas e vendo como se lle van pechando mentres que os
seus rivais políticos pouco a pouco van enchendo os medios de presentacións de
candidatos e con perfís ligados a política e o activismo dende hai moito tempo.
Esta circunstancia parece por outra banda a principal motivación do PP para
ir sacando nos medios aquelas caras que van conformando a súa lista como unha
sorte de cruzada a remolque do resto de formacións que nesta precampaña lle
levan varios metros de vantaxe.
Non imos a negar dende aquí, que este goteo de candidatos lle da unha
visibilidade en medios, que por outro lado xa ten, e que lle evita a Aragunde ter
que saír nas páxinas da sección local dos periódicos sinalando as pedras no
camiño de valados privados.
E que despois do afundimento das eleccións do 2015 non quedou ninguén a bordo
máis que o capitán do barco, que vendo como lle foi nesta lexislatura, ben puido
facer como Francesco Schettino, e dar paso a unha renovación da lista dende o
seu posto máis importante.
Do presentado ata o momento, que dicir... Sabela Fole non era coñecida polo
aquí escribinte, pero é coñecida na vila, sobre todo, pola súa actividade
profesional (é avogada) e de Silvia, que foi presentada como vicepresidenta da
asociación de veciños o Batuqueiro, coñecémola máis por estar durante certos
períodos traballando como auxiliar de policía na vila.
En fin, que o que noutrora fora un alcalde de gran empaque e unha lista da
que todo cambadés escorado a dereita quería formar parte, hoxe en día é un
páramo do que é difícil conseguir que a semente vaia para arriba.
Ningún comentario:
Publicar un comentario