EN A TI MEU
CAMBADOS CABEMOS TODOS.
A ÚNICA EXCEPCIÓN
SON OS INSULTOS OU AS ACUSACIÓNS FALSAS E SEN PROBAS
Desde a súa
creación o blog e o Facebook de A Ti Meu Cambados foi un punto de encontro de
todos aqueles veciños que aspiraban a un Cambados máis democrático, plural e
comprometido cos valores progresistas, nacionalista e galeguista. Consideramos
que, sobre todo Xaquín Charlín González a través deste medio, pero tamén o
resto das RRSS e blogs da esquerda cambadesa hai 4 anos axudaron a rachar con
28 anos de maioría absoluta do PP e facer posible un goberno alternativo que, a
pesar de todos os erros cometidos e sempre desde o noso punto de vista,
resultou positivo na maneira de xestionar o concello.
Nesta nova etapa
queremos seguir sendo fieis a estes valores. Por iso, hoxe queremos recalcar
que ATMC SEGUE ESTANDO ABERTO A PUBLICAR OS ARTIGOS E OPINIÓNS DE TODOS AQUELES
VECIÑOS, CALQUERA QUE SEXA A SÚA IDEOLOXÍA, SOBRE ASUNTOS RELACIONADOS CON
CAMBADOS.
A diferencia
doutras páxinas de distintos sesgos políticos, nós non utilizamos perfís falsos
nin nos agochamos baixo ningún perfil anónimo. NÓS DAMOS A CARA... Por iso, non
contribuiremos a difundir rumores ou comentarios de perfís falsos ou anónimos
que intenten difamar a terceiras persoas.
NON SOMOS
PARTIDARIOS DE TIRAR A PEDRA E ESCONDER A MAN... Polo tanto, non publicaremos
ningún tipo de comentario que supoña a creación e difusión de rumores sobre
comisión de delitos sen aportar ningún tipo de probas que unicamente teñen como
obxectivo danar a imaxe de terceiros. É un acto de covardía crear rumores
infundados para danar a imaxe dunha persoa: Se alguén ten indicios ou probas da
comisión dalgún delito pedímoslle que o denuncie no Xulgado ou na Guardia
Civil. E unha vez presentada a denuncia alí onde hai que presentala, en ATMC darémoslle
a oportuna difusión.
Por último,
aproveitamos esta ocasión para reiterar o noso agradecemento pola
extraordinaria acollida que están tendo as nosas publicacións.
Ningún comentario:
Publicar un comentario