DENDE O 2011 A PRESIDENTE DAS MARISCADORAS ISABEL PEREZ CAMBIOU DE OPINIÓN GRAZAS AS “INFLUENCIAS” DE LUIS ARAGUNDE.
Estes días pasados tivemos a oportunidade de coñecer outro “detalle” que ata hai pouco
descoñeciamos, sobre as comportas do Saco de Fefiñáns. Agora resulta que as comportas van a ser xestionadas por unha empresa privada e non pola confraría como se lles prometeu ás mariscadoras; semella que co PP as promesas voan con moita facilidade. Pouco a pouco imos descubrindo a verdade, a pesar de que o PP ten unha gran mestría en ocultala e utilizar a propaganda máis partidista para gastar os cartos públicos en proxectos inaceptables, neste momento de crise e paro. Queda claro que os postos de traballo no sector do marisqueo, para o PP non contan.
Ademais, outra novidade da que ninguén falara, ata o de agora, é a da presenza dunha
empresa para “xestionar a comporta”; que significa isto?, en que consiste a chamada xestión da comporta? Que a comporta vai a ser un negocio?, para quen? Porque as empresas so se meten en negocios cando hai un beneficio económico; como é lóxico. De onde sacará esta empresa o beneficio para que a xestión da comporta resulte economicamente rendible? Pois, seguramente de onde
sempre, dos nosos impostos. Ata o de agora non sabíamos que as comportas do Saco, a parte de acabar cun banco marisqueiro, tamén nos ía custar cartos; non está mal sabelo.
O PP tampouco di que vai a pasar cando se pechen o resto das entradas de auga no Saco e nas zonas máis alonxadas da única canle de auga (a canle
das comportas), comece a acumularse a lama. Esta é outra cuestión da que non quixo falar ninguén ata o de agora, e que xa afectou ao Saco antes de abrir a última gran canle de auga para a axeitada renovación do mar neste lugar. Pero para o PP, isto é o de menos porque se algo non tivo en conta esta obra é a recuperación do banco marisqueiro. Porque como diciamos, os postos de traballo do marisqueo non son prioritarios para o PP; hai cousas máis importantes.
Outra cuestión que non remata de aclarar o PP é se a comporta comezará a funcionar cando
remate o saneamento (algo que co PP é moi relativo) ou realmente cando o banco marisqueiro do Saco sexa cualificado, de novo, como zona B (é dicir, obxectivamente saneado). Porque o PP fala de saneamento con moita facilidade e xa tivemos ao Conselleiro de Medio Ambiente, na anterior lexislatura e nesta, prometendo (pero non cumprindo) grandes investimentos en saneamento en Cambados e na Ría de Arousa, pero a realidade o contradí e demostra que
non hai vontade política para cumprir o prometido, que iría en interese de todos/as, pero si teñen vontade para construír as comportas, que só van en interese do PP. (ATA AQUI A NOTA DO BNG)
DENDE O 2011 A PRESIDENTE DAS MARISCADORAS ISABEL PEREZ CAMBIOU DE OPINIÓN GRAZAS AS “INFLUENCIAS” DE
LUIS ARAGUNDE.
O día 28 de Xaneiro de 2011, celebrabase unha asemblea xeral de Mariscadores na Confraria de Cambados, e todas por unanimidade incluída a presidenta Isabel Pérez, decian un no rotundo as Comportas do Saco e asi o plasmaba o periódico do rexime A Voz de Galicia. Nesa mesma asemblea as mariscadoras pedian previamente o senamento integral do Saco.
O 4 de decembro pasado nunha actitude lamentable a presidenta das mariscadoras “compinchada” co Alcalde Luis Aragunde dicia os medios de prensa que se amosaba satisfeita co proxecto e engadia que seria bo para as mariscadoras e para o pobo tamén, o mesmo tempo que facia un xesto complice cara o Alcalde de Cambados Luis Aragunde.
Que cambiou en Isabel Pérez dende o 2011 o 2013, quizais as malas influencias de Luis Aragunde e de Benito González, ou é que o Alcalde prometeulle algo a Isabel que descoñecen o resto das mariscadoras.
Certos medios de prensa e opinións nas redes socias acusaban a Isabel Pérez, presidente das mariscadoras que esta actitude de presidenta é para que Luis Aragunde suba politicamente e que a súa traxectoria na Agrupación da mariscadoras ao longo de 12 anos foi para acabar apoiando politicamente ao PP. Moitos ainda lembraan cando decia Isabel Pérez na prensa que habia que abrir un boquete no Saco para que non se convertira nun fangal. Isabel podias marchar en olor de multitudes para vas marchar da asociación sendo unha “pelotillera” do PP, SABES DE SOBRA Isabel que as comportas son o fin do Saco no aspecto do marisqueo.
Ningún comentario:
Publicar un comentario